Экологияға қамқорлықпен

Кеңқияқ кентінде "СНПС-Ақтөбемұнайгаз" АҚ қаражаты есебінен 200-ден астам ағаш отырғызылды

14.11.2023

"Кеңқияқмұнай" мұнай-газ өндіру басқармасының ұжымы туған ауылы - Кенқияқ ауылына тағы да қолдау көрсетуде. Көптеген жылдар бойы МГӨБ тек қала құраушы кәсіпорын ғана емес, сонымен қатар жақын маңдағы ауылдарды абаттандыру мен экологиялық тұрақтылықтың басты меценаты болып табылады.

Бұл жолы "СНПС-Ақтөбемұнайгаз" АҚ қаражаты үшін кенттің бірқатар мекемелерінің аумағында ағаштар сатып алынып, отырғызылды.

12 қыркүйекте Кеңқияқ ауылында өткен қоғамдық тыңдаулардың хаттамасына сәйкес "СНПС-Ақтөбемұнайгаз" АҚ жиналысының шешімімен "Кеңқияқ ауылын абаттандыру" мәселесі қаралды. Ағымдағы жылдың 6-9 қарашасы аралығында "Темір орман және жануарлар дүниесін қорғау мекемесі" коммуналдық мемлекеттік мекемесі "Олжас" шаруа қожалығымен бірлесіп Кеңқияқ ауылдық ауруханасында биіктігі 1,5-2 метр 24 шырша және 153 терек, Кеңқияқ жалпы орта білім беру мектебінде 47 терек отырғызды.

Осылайша, 25 жылдан астам уақыт бойы "СНПС-Ақтөбемұнайгаз" акционерлік қоғамы өзінің шаруашылық қызметін жүргізетін аудандардың экономикалық, әлеуметтік және экологиялық дамуы үшін жауапкершілікті айқын көрсетіп келеді.